一步一通識

通常有重大財經新聞的時候，我和我的科主任便會肩負解答同事問題的職責，例如什麼是次按、迷債、私有化等等。[畢竟一個經濟科教師的基本責任是每天看財經和經濟新聞，作教學用途]

今天我們解答過同事的問題如下：

咩係供股？

即係現有股東有權以果間公司(say, 匯豐)所訂既價錢同比例購買新發行既股票。而家個供股價係每股$28.1，比例係每12股供5股。

唔供得唔得？

得，如果冇信心或者冇錢，間匯豐唔會屈你要佢既股票。

供股為乜？

簡單黎講係匯豐唔夠錢使，要集資。

唔供有咩後果？

其實冇咩後果，只係你既持股既份數攤薄左，以後分到既股息會少D咁。

咁我供唔供好？

嗱，咁就好睇你對呢間野有冇信心。而家供完除開平均每股$48.5，你有信心將來唔會跌過呢個價都可以考慮既。

（續問：咁長揸呢？）長揸黎講呢… 而家咁既時勢，冇人夠膽話十年八載之後會點，都係果句，你有信心又有閒錢，我強調係閒錢，又唔介意坐下艇，咁都可以考慮既。

你覺得會唔會跌過四十幾蚊？

我只能夠話唔排除呢個可能。而家電視同埋報紙上面所有人都唔夠膽講實。

參考資料：
Yahoo! 新聞